перевод диалога с латыни

Karolus:Transeamus, sed primum dic, quid sit sophistica locutio? 

Alcuinus:Si me alius quis de scola palatii tui interrogasset, forsan ostendissem ei. 

Karolus: Cur alteri et non mihi? an invides me scire? 

Alcuinus: Non invideo, sed parco et honoro. 

Karolus: Non video honorem mihi esse, dum interrogata negas. 

Alcuinus:  Licet mihi interrogare te? 

Karolus: Cur non? nam interrogare sapienter est docere: et si alter sit qui interrogat, alter qui docet, ex uno tamen, hoc est sapientiae fonte, utrisque sensus procedit. 

Alcuinus: Etiam procedit, et si alter est qui interrogat, alter qui respondet: tunc tu quidem non es idem qui interrogas, quod ego qui respondeo. 

Karolus: Nequaquam idem. 

Alcuinus:  Quid tu? 

Karolus: Ego homo.